Бојата на фасадата на вашиот дом е исклучиво ваша работа
Пред неколку години летувавте и ви се допадна бојата на фасадата на апартманот што го изнајмивте. И како што обично се случува, домаќините една вечер ви подготвиле „риба на скара“, па до доцна во ноќта уживавте во пријатен разговор со сопствениците, со убаво вино во прекрасната природа.
За време на една ваква дружба, вие малку се опуштивте, па „сосема случајно“ ви кажаа како ја одбрале таа боја за фасада. Велат, избирале и избирале, но не можеле да се одлучат, се додека еден ден „случајно“ поминувале пред куќа која што ја бојадисувале, им се допаднала бојата и се решиле да застанат пред кaнтата и да го запишат точното име и нијанса на бојата. Значи бојата ја избрале сосема случајно.
Вашата приказна за изборот на бојата на фасадата можеби не е ваква, но секако не би требало да биде од типот: „Дај ми ја бојата што најмногу се продава“.