Како домот и канцеларијата влијаат на нашето расположение и здравје
Одржливата градба влијае на намалувањето на респираторните заболувања, алергиите и обичната настинка, и може да заштеди десетици милиони долари.
Ако ве прашаат што за Вас е асоцијација за удобност, што би рекле? Би одговориле можеби луксузни кадифени столчиња или пак елегантен ентериер? Малкумина би помислиле на функционална канцеларија или дом. Веројатно дека причина за тоа е и основното непознавање на алтернативната дефиниција за удобност.
Архитектите по ова прашање играат клучна улога - според нив удобноста не се однесува само на парчињата мебел, на големината на просторот, како и на просториите за слободни активности. Комфорот првенствено е поврзан со визуелните, топлинските и акустичните квалитети на просторот, како и со квалитетот на воздухот во канцелариите и домовите.
90% од нашето време просечно го поминуваме во затворен простор, дома и на работа, и затоа сме физички, психолошки и физиолошки изложени на последиците од воспоставената рамнотежа или нерамнотежата во внатрешниот простор.
Но, во пракса, термичкиот комфор како фактор на удобност и холистичка цел на архитектурата не е сфатен доволно сериозно. И тоа е нешто што треба да се смени!
Покрај мерење на акустичните и визуелните аспекти на изградениот простор, архитектите мора да имаат солидно разбирање и за изборот на материјалите и какво е нивното влијание врз домот и канцеларијата. Како тие влијаат на конференциските сали, на домовите, на удобноста.
Кои се факторите кои создаваат удобност?
Акустичен комфорт
Акустичен комфорт се карактеризира со соодветно и квалитетно ниво на звук, и на звуците кои сакаме да ги слушаме. Тоа подразбира и отсуство на несакани звуци од надворешниот свет, во зависност од видот на градбата (станбена зграда, канцеларија, училиште, здравствен дом или хотел). Акустичната изолација се постигнува со квалитетна фасада, но и со употреба на квалитетни прозори.
Количина на светлина / Визуелен комфорт
Клучна улога за оптимално чувство на благосостојба во просторот има светлината. Таа не само што ја оживува архитектурата, туку и дава и живот. Различни простори бараат специфични нивоа на количина на светлина, независно дали е тоа природна или вештачка. Доволна количина на директна светлина во просторот е императив, но нешто што овозможува и доволно простор за гледаме на надворешниот простор.
Квалитетот на воздухот во внатрешниот простор (термички комфорт)
Термички комфорт се одредува според температурата на воздухот, влажноста и отсуството на провев. Идеалните термички нивоа варираат во зависност од географијата и културата, но генерално, внатрешните температури од 21-24ºC се најудобни.
Квалитетот на воздухот се одредува според снабдувањето со свеж воздух, од влијанието на загадувањето и од мирисите кои се создаваат. Најчесто се оценува со мерење на концентрацијата на CO2 и VOC (Volatile organic compounds), како и бројот на микрочестички и присуството на биолошки токсини.