EnveoPutz Premium Silicon

Минимално 24h пред нанесување на фасадниот малтер на површината се нанесува основна подлога EnveoGrund со цел да се подобри прилепливоста, регулирање на водовпивливоста, подобрување на водоотпорноста и отвореното време за обработка на малтерот. Подлогата мора да биде тонирана во иста како и фасадниот малтер.

EnveoPutz Premium Silicon пред употреба добро се промешува до дното, секоја канта поединечно а потоа материјалот мора да се хомогенизира од различни пакувања во еден голем сад, со цел изедначување на нијансата (егализација). За подобрување на консистенцијата на малтерот по потреба се додава чиста вода максимум 250ml на  25kg производ. По додавањето на вода, додавање пигмент не е дозволено.

Фасадниот малтер се нанесува со челична глетарица во дебелина на зрното. Правилно нанесен малтер се обработува со PVC или 
метална глетарица со благ притисок на површината со кружни или праволиниски движења во зависност од структурата и саканиот изглед. Наносот и обработката на малтерот се прави во континуитет за површината да изгледа изедначено. За успешна изведба неопходно е да се 
синхронизира бројот на апликатори во одност на катноста на објектот и површината, за да споевите на материјалот бидат изведени влажно на влажно и незабележливи по завршувањето на нанесувањето

Фасадниот систем мора да биде обезбеден со окапници за да се постигне целосна заштита од навлегување и слевање на вода по површината. Производот не се употребува на хоризонтални површини каде може да дојде до задржување на нечистотии, вода и снег

При вградување и сушење температурата на подлогата и воздухот мора да изнесува помеѓу 5°C и 30°C. Нанесениот материјал мора да се заштити од сончеви зраци, ветер и дожд најмалку 24 часа, по што се постигнува отпорност на атмосферски влијаниа. Препорачана метода за заштита е поставување заштитна мрежа но може да не биде доволна доколку наведените влијаниа се со јак интензитет. Доколку временските 
услови не се во склад со наведените, потребно е постапката за изведба да се одложи и да се почека до нормализирање на оптималните условите за работа.

* сите наведени параметри се однесуваат на стандардни временски услови: температура 20°C, релативна влажност на воздухот до 65%. Произведувачот препорачува пред почетокот на работата да се направат мали, пробни, површини поради проверка дали производот/подлогата се правилно подготвени и дали се обезбедени соодветни услови за употреба и вградување. Доколку не се, ве замолуваме да прекинете со работа и да се обратите кај претставник од компанијата Saint-Gobain. Компанијата не прифаќа одговорност за неправилна изведба со наведениот материјал како и користење на материјалите за работи кои не се наведени во описот на производот. Рекламации по завршувањето на изведбата на работите не се прифаќаат.