Поправка на оштетени гипс-картонски површини
Доколку гипс-картонската плоча Rigips е оштетена на поголема површина, а оштетувањето не може да се поправи со едноставно пополнување (спојување) со некаков заптивен материјал, поправката мора да се изврши на следниот начин.
Подготовка
Земете парче од Rigips гипс-картонска плоча со иста дебелина како и оштетената, која што треба да се поправи. Големината на парчето треба да биде малку поголемо од самата оштетена површина. Со истото парче обележете околу оштетениот дел.
Оштетената гипс-картонска плоча се отсекува внимателно по веќе обележаниот периметар од новото парче за санација. Отсеченото парче од оштетената плоча се отстранува внимателно. Ново настанатите ивици (при сечењето на оштетениот дел) се засекуваат во форма на “V” со помош на скалпел или ренде за ивици.
Вметнете две парчиња CD-профил или дрвени летви во отворот и преку гипс-картонската плоча прицврстете ги со помош на шраф Тип 212.
Новото парче гипс-картонска плоча Rigips за санација (чии ивици мора да бидат обработени во форма “V”), се прицврстува со на шраф Тип 212 на поставените парчиња CD-профил или дрвените летви.
Споевите се пополнуваат со Rigips маса за фугирање Rigips Super, потоа од масата се распоредува околу споевите и се поставува бандаж лента, и уште еднаш преку ова се нанесува маса за фугирање, со кој што треба да се добие мазна површина.
Конечно, преку поправената површина се нанесува глет маса, која се обработува со голема глетарка и после сушењето се шмиргла за идеално мазна површина.
Оштетувањето на овој начин е корегирано и после нанесување на боја не се забележува.